Dende a Secretaria Xeral da Igualdade apoiase a difusión de mulleres senlleiras e relevantes galegas (atendendo especialmente as figuras esquecidas ou ocultas) da nosa historia para construír e divulgar a memoria histórica feminina de Galicia.
Dende a Secretaria Xeral da Igualdade apoiase a difusión de mulleres senlleiras e relevantes galegas (atendendo especialmente as figuras esquecidas ou ocultas) da nosa historia para construír e divulgar a memoria histórica feminina de Galicia.
O presidente do Goberno galego, Alberto Núñez Feijóo, destacou hoxe que máis de 1.500 alumnos de secundaria participaron xa no proxecto para achegar referentes femininos e potenciar as vocacións STEM –ciencia, tecnoloxía, enxeñaría e matemáticas- entre as nenas e mozas para pechar a fenda de xénero nestes estudos.
Mabel Loza García (Tapia de Casariego, 1961) é licenciada en Farmacia pola USC, realizou a súa tese doutoral na Facultade de Medicina de Oviedo e completou a súa formación científica no Centro Médico Monte Sinaí de Nova York. Na actualidade é Catedrática de Farmacoloxía da USC, onde compaxina o labor docente e investigador.
Dirixe o grupo de investigación BioFarma, centrado na aplicación da farmacoloxía ao descubrimento de fármacos. O seu equipo multidisciplinar está centrado no desenvolvemento de proxectos de I+D+i nas fases temperás do descubrimento de medicamentos, sendo un referente en España neste eido.
No seu labor como profesional destaca a unha visión global dos programas orientados dende o principio ás necesidades do doente, creando as pontes (básico/clínico, público/privado) que permitan acadalas. Para elo levou a cabo importantes proxectos en colaboración coa industria farmacéutica que permitiron que quince novos fármacos chegasen a ensaios clínicos nos doentes dende hai máis de dúas décadas, o que lle ten valido o recoñecemento da EFPIA (European Federation of Pharmaceutical Industries and Associations) entre os “30 científicos de 30 países de Europa”, no marco da iniciativa Portraits of Science-Scientists of Tomorrow, e o premio Investigador-Innovador 2018 polo Foro de Empresas Innovadoras de España, entre outras distincións que poñen en valor a súa aportación ao descubrimento temperá de novos fármacos.
Santiago de Compostela, 9 de outubro de 2019. A secretaria xeral da Igualdade, Susana López Abella, presidiu hoxe o Pleno da Unidade da Muller e Ciencia, onde se acordou conceder o premio Wonenburger 2019 á catedrática de Farmacoloxía e responsable do grupo de investigación BioFarma da Universidade de Santiago (USC), Mabel Loza.
O Goberno galego quere recoñecer as mulleres científicas de Galicia, mulleres que souberon adiantarse ao seu tempo e que abriron camiños a moitas outras.
Así, con esta exposición preténdese visibilizar e facer chegar á sociedade as contribucións feitas polas mulleres galegas á ciencia e á tecnoloxía, todas elas foron galardoadas co Premio María Josefa Wonenburger Planells, que outorga anualmente dende o ano 2007 a Xunta de Galicia a través da Unidade de Muller e Ciencia.
Santiago de Compostela, 3 de decembro de 2018.- O vicepresidente da Xunta, Alfonso Rueda, entregou o Premio María Josefa Wonenburger 2018 á microbióloga pontevedresa Alicia Estévez Toranzo pola súa contribución á visibilidade das mulleres no ámbito da ciencia e da tecnoloxía.
María Josefa Wonenburger Planells foi unha matemática galega, ata hai pouco tempo máis coñecida fóra das nosas fronteiras que no noso país. Esta unidade didáctica pretende divulgar entre o alumnado de educación secundaria a figura desta científica e dar deste xeito un referente próximo de muller entregada na súa vida laboral e persoal, que tivo que superar importantes dificultades para conseguir desenvolver unha actividade profesional acorde cos seus méritos e o seu currículo.
Dende a Secretaria Xeral da Igualdade apoiase a difusión de mulleres senlleiras e relevantes galegas (atendendo especialmente as figuras esquecidas ou ocultas) da nosa historia para construír e divulgar a memoria histórica feminina de Galicia.
Catedrática de Física Aplicada da Universidade de Santiago de Compostela (USC), profesora emérita dende outubro de 1999 e doutora “Ad Honorem” desta universidade.
Desenvolveu parte da súa formación e do seu labor científico e docente no estranxeiro, principalmente na Manchester University, onde foi nomeada Visiting Research Professor, e no Institut de Microcalorimetrie et Thermogénèse do Centre National de la Recherche Scientifique (CNRS) de Marsella.
Directora do Departamento de Física Fundamental da Facultade de Ciencias (1964-1970 e 1972-1974) e directora do Departamento de Física Aplicada da USC (1986-1992).
Creou o Grupo de Microcalorimetría da USC e os seus laboratorios e introduciu o estudo da Microcalorimetría en España.
En 1999, creou o Grupo de Prevención e Extinción de Incendios Forestais (Grupo THOR), para a loita integral contra o lume e os seus efectos.
Pertence ás máis prestixiosas sociedades científicas nacionais e internacionais da súa especialidade e suma máis de 225 publicacións nesta área.
Recibiu, entre outros moitos recoñecementos, a Medalla de Ouro de Física da Real Sociedade Española de Física, o Premio Galicia de Investigación Científico-Técnica Antonio Casares y Rodrigo, a Insignia de Ouro da USC, e a Medalla Castelao.
© Xunta de Galicia. Información mantida e publicada na internet pola Xunta de Galicia
Atendémolo/a | Suxestións e queixas | Aviso legal | Mapa do Portal
