Foi profesora titular no Departamento de Composición, en Introdución á Arquitectura e Estética, e estende a súa experiencia docente a outras universidades e escolas españolas e estranxeiras.

Dirixe a Escola Galega da Paisaxe da Fundación Juana de Vega, e foi responsable tamén do seu Grupo de Investigación. Actualmente coordina o máster de Arquitectura e Paisaxe da Universidade da Coruña e a Universidade de Santiago de Compostela.

Forma parte do Comité de Head Masters do European Council of Landscape Architecture Schools.

Gañou o Premio Nacional de Arquitectura “Manuel de la Dehesa” e o Premio Internacional de Intervención no Patrimonio Arquitectónico AADIPA polo Entorno do Mosteiro de Caaveiro (A Capela).

Dirixe o workshop do master internacional de Architettura di Paesaggio do “Centro Italiano di Architettura”, de Milano, Italia.

Dirixiu varios cursos na UIMP sobre paisaxe e territorio na Ribeira Sacra.

Enxeñeira de Telecomunicación (1987) e doutora enxeñeira de Telecomunicación pola Universidade Politécnica de Madrid (1993).

Completou a súa formación con estadías de investigación posdoutoral na Universidade de California Campus de Santa Barbara (UCSB), en 1994; nos Laboratorios Bell de ATT (New Jersey), en 1997 e 1999; na Michigan State University, en 2005; e na Universidade de Kent, en 2013.

En 1987 incorporouse á Escola Técnica Superior de Enxeñaría de Telecomunicación da Universidade de Vigo (UVIGO). Na actualidade é catedrática do Departamento de Teoría do Sinal e Comunicacións (TSC) e coordina o programa de doutoramento en Tecnoloxías da Información e Comunicacións. Entre 2006 e 2010 desempeñou o cargo de vicerreitora de Titulacións e Converxencia Europea.

Dirixiu e coordinou numerosos proxectos de investigación e teses doutorais, e publicou máis de 100 artigos en revistas e congresos internacionais.

Colabora con diversas revistas científicas no seu eido e é socia fundadora da Sociedade Española para a Acústica Forense-SEAF.

Licenciada en Farmacia e doutora pola Universidade de Santiago de Compostela (USC), formada como investigadora en prestixiosos centros internacionais, é catedrática do Departamento de Farmacia e Tecnoloxía Farmacéutica da USC.
Creou na USC un grupo de investigación pioneiro en España no ámbito da Nanomedicina e nos sistemas de liberación de fármacos e vacinas.
Ten dirixido e coordinado 52 proxectos de investigación, dos que xurdiron 20 invencións protexidas a través de patentes internacionais, 221 artigos científicos e dous libros.
É directora da Xunta de Goberno da Controlled Release Society (CRS), a sociedade máis importante no seu campo. Forma parte de plataformas tecnolóxicas como a European Technology Platform on Nanomedicine, Nanofuture, e a Plataforma Española de Nanomedicina, así como de diversas redes de colaboración (Galenos Marie Curie, Nabba Marie Curie, Cost-Nanotheranostics). Participa no comité editorial de 11 revistas científicas.
Académica de número da Real Academia de Farmacia de Galicia, da Real Academia Nacional de Farmacia e da Real Academia Galega de Ciencias.
Figura no noveno posto no ránking mundial do Times Higher Education 2010 na área de Farmacoloxía e Toxicoloxía. Recibiu importantes premios, como o Rey Jaime I, o Novoa Santos e o Maurice Maria Janot.
Foi vicerreitora de Investigación e Innovación da USC, e asesora distintos organismos.