Victoria Lareu é catedrática de Medicina Legal e Forense e directora do Instituto de Ciencias Forenses (Incifor) da Universidade de Santiago de Compostela. No 2021 foi galardoada co premio María Wonenburger, que recoñece o labor das mulleres científicas galegas.
Para coñecer máis a esta galega referente:
M. Elena Vázquez Cendón (Ourense, 1966) é unha docente e investigadora galega na Universidade de Santiago de Compostela (USC). O contexto da súa investigación é a Matemática Industrial, iniciándose no doutoramento coa dirección de Alfredo Bermúdez, e realizando estadías no Institut National de Recherche en Informatique et en Automatique en Niza.
Desenvolveu contribucións significativas ás leis de balance hiperbólicas coa metodoloxía de volumes finitos. A súa técnica para descomposición de fluxos proporciona algoritmos altamente eficientes en dinámica de fluídos computacional. Destacan tamén os seus traballos en esquemas híbridos volumes finitos-elementos finitos. As publicacións da súa investigación en Computers & Fluids (1994 e 2012) están consideradas traballos seminais no tema. Os ámbitos de aplicación son: o movemento da auga en ríos, escalas de peixes, zonas costeiras –sendo as rías galegas a súa motivación–, estudos de inundacións, o fluxo do gas, o fluxo de sangue e o deseño industrial. Entre as colaboracións internacionais saliéntase a establecida con Eleuterio Toro e Michael Dumbser da Università degli Studi di Trento.
Foi investigadora principal e participou en proxectos nacionais e internacionais. Liderou contratos co Centro Tecnolóxico do Mar e con Endesa Geración S.A., e participou en contratos coa Fundación Ciudad de la Energía e Reganosa. Forma parte do equipo que desenvolveu o software IBER, empregado pola comunidade hidráulica internacional e as confederacións da auga. É investigadora vinculada ao Centro de Investigación e Tecnoloxía Matemática de Galicia (CITMAga).
Iniciou o labor docente en 1989 no campus de Lugo e desde 1991 en Compostela, impartindo diferentes materias da área de Matemática Aplicada. Titorizou máis de 25 TFG e TFM e co-dirixiu as teses de doutoramento de Luis Cea e Saray Busto.
Está moi comprometida coa divulgación das Matemáticas nos centros de ensino e nos medios.
• O proxecto da Consellería de Promoción do Emprego e Igualdade botou a andar o 2 de decembro e rematará o 30 de marzo do 2023, tras percorrer 13 institutos de 12 concellos galegos
• Preto de 2.000 alumnas e alumnos da ESO e 80 docentes de 17 institutos galegos participaron nas dúas primeiras edicións
A matemática e decana da Facultade de Matemáticas da Universidade de Santiago de Compostela, Elena Vázquez Cendón, será distinguida co premio María Josefa Wonenburguer de 2022, unha decisión comunicada no último pleno da Unidade Muller e Ciencia da Xunta de Galicia. Con este premio, a Xunta recoñece a traxectoria de mulleres galegas que destacan pola súa contribución á área das ciencias e á tecnoloxía.
Desde o impulso inicial que naceu na escola e que se desenvolveu despois coa axuda da familia e dos mestres que a inspiraron, resolver problemas con números é a paixón de Elena Vázquez Cendón. Hoxe as matemáticas son o centro dunha galaxia de actividades que inclúen o Decanato da Facultade de Matemáticas, o Departamento de Matemática Aplicada da USC ou o Mestrado en Matemática Industrial.
Lograr un sistema galego de ciencia, tecnoloxía e innovación que incorpore de xeito efectivo o principio de igualdade de oportunidades entre mulleres e homes, que priorice as necesidades das mulleres e sexa respetuoso coa diversidade. Ese é o obxectivo do III Programa Muller e Ciencia 2022-2025 que promove a Consellería de Promoción do Emprego e Igualdade da Xunta de Galicia.
A primeira directora da Escola de Enxeñaría de Telecomunicación da Universidade de Vigo fala nesta entrevista sobre as dificultades das mulleres no ámbito da investigación e da empresa, e salienta o papel da escola ou dos medios de comunicación para acabar cos estereotipos de xénero.
* “Aínda que non dea a resposta definitiva, co James Webb vaise avanzar na procura da resposta á eterna pregunta de se hai vida noutros planetas”
* “É un privilexio traballar cunha morea de xente moi boa nos seus campos e de moitos países, unha colaboración internacional cun obxectivo común”
* “Os avances que se fan para enviar telescopios ao espazo acaban beneficiando o noso día a día na Terra”
* “Cando empecei había poucas mulleres no meu campo e cando es nova vives momentos moi duros, sobre todo cando es a única muller”
© Xunta de Galicia. Información mantida e publicada na internet pola Xunta de Galicia
Atendémolo/a | Suxestións e queixas | Aviso legal | Mapa do Portal
